Nag-upod ang San Sebastian Cathedral sa bug-os nga Romano Katoliko kasunod sang pagtaliwan ni Pope Francis sa edad nga 88-anyos. Kasunod sang anunsiyo kahapon ni Cardinal Kevin Farrell, Camerlengo of the Apostolic Chamber, ginbagting ang lingganay sa San Sebastian Cathedral kag nagbutang ang simbahan sang memorial corner bilang tribute sa kabuhi kag legasiya sang Santo Papa. Nahibaluan, nagtambong pa ang Santo Papa sa Easter Sunday event sang Abril 20, kun sa diin iya ginpangamuyuan ang pag-untat sang gyera sa tunga sang Israel military kag sang Hamas militants sa Gaza City. Suno sa doktor sang Vatican nga si Andrea Arcangeli, stroke kag irreversible heart failure ang gintunaan sang pagtaliwan ni Pope Francis. Na-comatose man ini antes ginbawian sang kabuhi. Madumduman nga masobra isa ka bulan ng ana-hospital ang Santo Papa matapos na-diagnose sang double pneumonia sang Pebrero.
