Siling nila kun tuman mo ka palangga ang isa ka tawo, mabudlay gid man mag move-on. Enough bala ang ila ginatawag three-month rule para ikaw maka get-over sa imo ex? Isa ka babayi ang gindakop sa Brazil bangud sang ginaalegar tuyo sini nga pag-utas sa kabuhi sa bag-o nga kahagugma sang iya anay nobyo, pinaagi sa pagpadala sang mga poisoned chocolate eggs bilang regalo sang easter Sunday. Ang ginalauman nga malipayon nga selebrasyon sang Domingo de paskwa ang nangin trahedya para kay Miriam Lira, isa ka iloy sa Impeatriz, Brazil, ini matapos nga ginbawian sang kabuhi ang duha niya ka mga kabataan bangud sa pagkaon sang tsokolate nga ginpahayag ginbutangan sang hilo. Abril 16, sang may nag-abot nga courier dala ang anonymous nga package sa balay ni Miriam Lira. Nagalakip ini sang mga tsokolate nga itlog kag isa ka sulat nga nagasiling, “With love, to Mirian Lira. Happy Easter.” Sa pagpati nga ini isa lamang ka thoughtful gift halin sa abyan ukon paryente, diri ginpaambit ni Lira ang tsokolate sa iya duha ka anak nga sanday Luis Fernando, 7 anyos, kag Evelyn Fernanda, 13 anyos. Paglabay sang pila ka oras, naglain ang pamatyag ni Luis sa diin ginhingagaw ini dala sa ospital upod kay Evelyn kag Miriam. Sa pihak sang pagpaninguha sang mga doktor, nga ma-revive si Luis, ginbawian gid ini sang kabuhi sang Abril 17 bangud sa multiple organ failure. Samtang, si Evelyn naman ang sunod nga ginbawian kabuhi lima ka adlaw ang naglabay bangud sa vascular shock kag multiple organ failure. Si Miriam naman ang na-coma sa sulod sang pila ka adlaw antis ini naka-recover. Base sa pagpangusisa sang mga otoridad, sang ila ginpadalman ang ebidensya nga nakuha, lakip na ang CCTV footage nga nagapakita kay Jordelia Pereira Barbosa nga nagbakal sang mga tsokolate nga itlog samtang ginatabunan sini ang iya itsura. Si Barbosa, 36 anyos, halin sa Santa Ines, ang nadakpan samtang nagapanaug sa bus, kapin 240 miles ang kalayuon halin sa Impeatriz. Lakip sa narekober nga ebidensya amo ang duha ka wigs, mga thermal bags nga may residue sang tsokolate, kag mga bus ticket. Suno sa mga kapulisan, ang motibo sa krimen amo ang pagpangakig kag pagselos ni Barbosa, sa diin iya ginbasol si Lira sa ila pagbulagay sang iya anay nobyo. Ginkumpirmar man nga sanday Lira kag ang anay nobyo ni Barbosa ang may tatlo ka bulan na nga relasyon.
