Ginapanginwala sang ciudad sang Bacolod ang mga alegasyon may angut sa Public Private Partnership (PPP) contract sang ciudad sa Highdata Infra Corporation kag sa May 12, 2025 elections.
Suno sa alkalde, ang nasambit nga proyekto ang ginproseso kag gin-award sa idalum sang Public-Private Partnership (PPP) Code, pinaagi sa isa ka legal kag transparent nga proseso.
Dugang pa nga ang ini nga mga alegasyon nga naga-link sa ini nga kontrata kag sa May 12 elections ang kabugtigan kag patalang.
Agud klaruhon ang ini nga isyu, ang SMS Global Technologies, Inc. (SMSGT) kag ang joint venture partner sini ang naga-supply sang Overseas Voting System para sa Commission on Elections (COMELEC) para lamang sa Overseas Filipinos (OFWs) sa guwa sang pungsod kag para lamang sa pagboto sang mga kandidato sa nasyonal nga posisyon — kag indi sa mga local candidates bangud ang ini nga system ang wala sang kapasidad nga mag-operate sa Pilipinas.
Dugang pa sini nga wala sang access ang SMSGT ukon Highdata sa data, infrastructure kag system sang COMELEC.
Gina hingyo man sang alkalde ang tanan nga partido nga maglikaw sa pagpalapta sang kabutigan bangud ang City Government ang magapabilin nga transparent panggobyerno kag integridad sang eleksyon.