Suspendido ang payout sang mga ayuda sa ciudad sang Bacolod sa palaabuton nga Mayo 2 tubtob Mayo 12.
Suno kay Dr. Richelle Verdeprado-Mangga, Head sang Department of Social Services and Development (DSSD), ginapasugtan nga mag-apply kag mag-process ang mga maka-avail sang ayuda sa ciudad apang indi sila maka-payout.
Ini angut sa Commission on Elections (COMELEC) Resolution 11060.
Kun madumduman, nag-abot ang certificate of exemption sang pila ka mga proyekto kag programa sang ciudad sang nagligad nga semana lakip na ang mga financial assistance sa social services.
Gilayon naman nga nagbalik ang payout apang tubtob bwas na lamang ini nga adlaw, Abril 30 kag magabalik naman ini pagkatapos sang eleksyon.
Ginpahayag ni Mangga nga magaanunsyo ang ila opisina sa mga pagsulundan agud nga makabalo ang publiko nahanungod sa ini.