Naglab-ot na sa 900 ka mga road safety stickers ang natapik sang Bacolod Traffic and Transport Management Department (BTTMD) sa mga Public Utility Vehicles (PUVs) sa ciudad.
Suno kay BTTMD Officer-in-Charge Patrick Lacson, may yara sang mga nagawalk in sa ila opisina sa Barangay Alijis agud nga magpatapik sang stickers ilabi na gid ang mga malayo sa Bacolod City Government Center (BCGC).
Nagalaum naman si Lacson nga malab-ot na nila nga matapikan ang ginatarget nga 1,200 ka mga salakyan.
Sa karon, padayon ang schedule sang BTTMD sa pagpangtapik sang stickers sa likod sang BCGC kada sabado.