Ginakabig ni Cauayan Mayor John Rey Tabujara nga desperado nga tikang ang disqualification case nga ginpadangat sang kasumpong sini sa mayoral race nga si Jurry Nabaja sa Commission on Elections.
Sentro sang reklamo ni Nabaja ang pagtambong ni Tabujara kag utod sini sa pagpanagtag sang ayuda sa mga senior citizens sadtong Abril 28.
Apang depensa sang alkalde, gin-imbetar ini agud maghatag sang welcome remarks sa programa kag gilayon ini nagbiya antes pa man ang pagpanagtag sang ayuda.
Ginakilala sang alkalde nga may deretso ang kontra kun magpadangat sang reklamo batok sa iya apang kumpiyansa si Tabujara nga indi ini makaapekto sa iya kampanya sa palaabuton nga eleksyon, Lunes sa madason nga semana.