Wala gid makaluwas sa CCTV camera operator ang ginhimo sang duha ka mga lalaki nga nakuhaan sang video nga ginkawat ang estatwa sang gorilya nagikan sa isa ka market stall sa England. Tungang gab-i sang ginransak sang duha ka suspek ang tindahan sa diin nakita pa nga nagaba-isay ang mga ini halin sa pagsulod asta sa paggwa nga karga na ang estatwa sang gorilya. Sang naggwa ang duha sa establishmento padulong sa ila gina-istaran sa Durham, gintutukan gid sang CCTV operator sa Darlington Borough Council ang lla nga hulag. Sang nasiguro na sang operator ang nahamtangan sang mga suspek, gilayon sini gin-alerto ang otoridas kag pagkaligad sang tatlo ka minuto, natigayon nga maaresto ang mga kawatan. Tuman naman ang pagpanginwala sang mga suspek nga may kahilabtanan sila sa pagpangawat sang gorilya apang nakita sang mga pulis ang estatwa sa sulod sang isa ka kwarto. Bangud sini, gin-aresto ang duha. Wala na nahibaluan kun ano ang plano sang mga ini sang suspek sa ginkawat nila ang estatwa.
