Magpatigayon sang final testing kag sealing ang Bacolod Commission on Elections (COMELEC) sa mga Automated Counting Machine (ACM) bwas nga alas-9 sang aga sa tanan nga mga polling centers sa ciudad.
Ginpahayag ni Atty. Revo Sorbito, Bacolod Elections Officer, bwas man nga adlaw iga-distribute sa polling centers ang 398 ka mga ACM nga pagagamiton sa 2025 National and Local Elections sa Lunes, Mayo 12, 2025.
Bukas naman sa publiko nga magtambong bwas agud masaksihan ang pag-test sa mga machine.
Sa karon, handa na ang Board of Electoral Inspectors (BEI) kag Bacolod COMELEC para sa palaabuton nga eleksyon.