Luyag tutukan ni Negros Occidental 4th District Board Member Candidate Leo Carlo Delfinado ang programa nga masami wala ginatalakay sa komunidad.
Sa interview sang DYHB kay Delfinado, gin isa-isa sini ang iya mga areas of special concern sa iya pagpapili.
Ini amo ang Youth Development, Environmental Protection, Mental Health, Special Education kag Animal Welfare.
Pinakamalapit sa taghipusuon sini amo ang mental health program. Plano dini magpahamtang sang Barangay mental health desk kag mobile mental health missions kag mag-hire sang mga trained personnels para diri.
Suno kay Delfinado, kalabanan sang iya mga plataporma ang iya gin-arrange sa mga plataporma sang iya iloy nga si Engineer Lea Delfinado nga amo naman ang magapapili bilang 4th District Congressman.
Bilang bag-uhan sa patag sang pulitika, isa sa masiguro ni Engr. Leo Delfinado amo ang mangin teknikal kag paghatag sang mga moderno nga solusyon sa mga problema sang pumuluyo.