Isa ka 35-anyos nga lalaki nga na diagnose nga may avoidant restrictive food intake disorder (ARFID) ang nagasiling nga bisan paminsaron niya lang nga nagakaon ini sang prutas, utan, itlog, ukon karne, daw hilanaton na siya. Bisan pa nga tawgon si Thomas Sheridan nga “picky eater,” kulang pa ina nga paglaragway sa iya pagka selan sa pagkaon. Ang 35-anyos nga lalaki sa UK ang nagasalig sa isa ka strict daily diet nga ginalakipan lamang sang duha ka ka loaves sang white bread, tatlo ka yahong sang Shreddies nga cereal, kag madamo nga Haribo sweets. Suno kay Thomas, Wala pa gid siya nakatilaw kaon sang prutas ukon utan. Tungod sang iya pagkapislian sa pagkaon, kinahanglan niya mag-inom sang protein kag vitamin supplements, pero dapat amo lang sa gihapon ang sabor nga masarangan niya. Makapila ka beses na ini nagtinguha nga bag-uhon ang iya diet bangud sang pagkabalaka sa iya ikaayong lawas apang nagakapaslawan lang ini
