Nautas ang kabuhi sang isa ka Mexican beauty influencer matapos ginluthang samtang naga-livestream sa TikTok sa Guadalajara, Mexico. Ang biktima ang ginkilala nga si Valeria Marquez, 23-anyos Suno sa Jalisco state prosecutor’s office, samtang nagapatigayon si Marquez sang live stream, nagsulod ang suspek sa beauty salon nga ginapanag-iyahan sang biktima, sang hinali ini nga nagpangluthang. Indi pa matumod sa karun kun ano ang motibo sa krimen, apang ang amo kaso ang gina-imbestigaran bilang femicide kun sa diin ginapatay ang mga kababaenhan bangod sa ila nga gender. Nagpatigayon na sang imbestigasyon ang forensic expert angot sa pagpangluthang.
