Nautas ang kabuhi sang kapin 17 ka tawo matapos nagluntad ang sunog sa isa ka building malapit sa historic Charminar monument sa Hyderabad City sa Southern India. Ang amo nga building ang ginapahamtangan sang mga jewelry store sa ground floor samtang residential space naman sa ibabaw. Suno kay G Kishan Reddy nga federal minister kag Bharatiya Janata Party leader, nagluntad ang sunog tuga sang short circuit. Ginpahayag naman ni Telangana fire services Director General nga si Y Nagi Reddy, 21 ka mga tawo ang yara sa sulod sang three-story building sang nagluntad ang sunog. Gin-anunsiyo naman ni Prime Minister Narendra Modi nga siya magahatag sang bulig pinansiyal sa pamilya sang mga biktima.
