Hambal nila, isa sa mga pinaka importante nga butang para sa isa ka ginikanan amo ang pagpili sa pangalan sang ila anak bangud ini ang dal-on sang bata samtang siya ang nagakabuhi. May mga pangalan karon nga inspired sa ila mga idolo nga artista ukon characters, may iban naman nga ginkuha sa libro kag bibliya. Sa pungsod Japan, nag-trending sa social media ang unique nga pangalan sang 27 anyos nga lalaki nga si “Happ,” ini bangud siya mismo ang wala nalipay sa ginhatag nga pangalan sang iya ginikanan. Ang pangalan ni Happy Terauchi ang ginhatag sa iya sang iya iloy bangud nga nalipay ini nga nagbun-ag siya sang subang nga lalaki. Pangalan nga ginkuha sa nabatyagan sang iya iloy, sang nakita niya ang iya anak. Apang sa wala ginlauman, ang ngalan niya ang nakakuha sang dako nga atensyon sa eskwelahan nga nagresulta sa pag-bully sa iya. Suno kay Happy, isa sa nga nalainan sini amo ang pagsunlog sa iya sang iban nga tawo kun may birthdays ukon holidays. Luyag kuntani niya nga islan ang iya pangalan apang naintyendihan man sini kun ano ang kasakit nga pwede mabatyagan sang iya iloy. Nabudlayan man ini magpangita sang trabaho bangud nga abi sang mga kompaniya, nagapang-prank lang siya. Samtang nagasinultero, isa ka dako nga challenge sa iya amo ang mauyunan sang ginikanan sang iya ginapangaluyagan ang iya nga pangalan Amo gid man sini bala ka big deal ang pangalan? Maayo lang kay sang ulihi, nag-abot man ang good news sa iya bangud nga sa iya gintrabahuan, madamo sang kliyente ang nanamian sa iya ngalan, samtang ang iban naman ang nagasiling nga ang iya business card ang nagadala sang swerte sa ila.
