Nagpirma sang memorandum of agreement ang Provincial Government sang Negros Occidental kag Corazon Locsin Montelibano Memorial Regional Hospital agud madala ang Telemedicine Services sa mga komunidad sa palibot sang probinsiya.
Ang MOA ang ginpirmahan kahapon, Mayo 19, sa Hospital Operations Department Function Hall sang Capiolio sa tunga nanday Governor Bong Lacson, DOH-Negros Island Region (NIR) Regional Director Dr. Razel Nikka Hao, CLMMRH Medical Chief II Dr. Joan E. Cerrada, kag Provincial Health Officer Dr. Ma. Girlie Pinongan.
Ang Telemedicine Services ang nagasuporta sa Universal Health Care 8-point Action Agenda, particular ang pagduso sang madasig nga serbisyo pang-ikaayong lawas paagi sa teknolohiya.
Paagi sini nga partnership, ang mga pumuluyo, ilabi na ang sa malayo nga mga lugar, ang sarang na nga maka-avail sang specialty medical care bisan yara lamang sila sa ila mga puluy-an.
May angot sini, ginpahayag ni Governor Lacson nga ang MOA ang labi nga nagapabakod sang partnership sa tunga sang Capitolio kag CLMMRH kag paagi man sini, may kasiguruhan nga matatap ang kinahanglanon-medikal sang mga Negrense.
Ginakalipay naman sang Capitolio ang kooperasyon sang CLMMRH, nga nagaisahanon nga apex hospital sa probinsiya, sa idalom sang liderato ni Dr. Cerrada.