Madinalag-on nga nakuha ni Mico Villaran sang Bacolod City ang iya ika-duha nga gold medal sa athletics sang Palarong Pambansa kahapon nga adlaw, Mayo 28, 2025.
Nakuha ni Villaran ang iya ikaduha nga gold medal sa 400 meter hurdles Secondary Boys.
Madumduman nga una nga nakuha ni Villaran ang iya sini una nga medalya sa Palarong Pambansa 2025 tinalikdan nga May 26 sa diin iya na-break ang iya kaugalingon nga rekord tinalikdan nga mga tuig sa 110 meter hurdle Secondary Boys.
Wala man nangin hapos para kay Villaran ang paglab-ot sa ini nga kadalag-an bangud naglain pa ang pamatyag sini kag nagsululuka pagkatapos sang iya practice rason nga nagdesisyon sila indi na lang pagpadalaganon sa 100 meter hurdle ang atleta kag ireserba na lang ang kusog sini sa 400 meter hurdle.
Humalin pa sang 2023, asud-asod na nga nakuha ni Villaran ang gold medal sa Palarong Pambansa. Karon, yara na sa apat ang iya bulawan nga medalya sa sulod sang tatlo ka tuig.