Isa ka moderno nga teknolohiya ang nangin liyabe sa pagkadiskubre sang isa ka iloy sa UK sa ginahimo nga pagpangluib sang iya bana. Luyag kuntani sang babayi nga gamiton ang electric toothbrush app agud ma-monitor ang brushing schedule sang ila duha ka kabataan. Ang toothbrush app nagarecord sang eksakto nga oras sang paggamit, nakatalana para lang sa iya kun tani nga anak. Apang ginkatingala niya nga may oras sa app nga ginagamit ang toothbrush bisan pa nga yara sa eskwelahan ang kabataan sini kag dapat yara man sa trabaho ang iya bana. Sang naglabay ang mga inadlaw, nabantayan niya nga may regular nga pattern ang paggamit toothbrush kada Biyernes sang aga. Ini ang nagtulod sa iya sa pag-usisa kag didto nadiskubrehan niya nga wala gali nagakadto sa trabaho ang iya bana kada Byernes sang aga, kundi nagapabilin ini sa ila balay upod ang isa niya ka workmate — sa tion nga wala man didto ang iya asawa kag kabataan. Ang elektronic nga toothbrush — nga ginpakaayo para sa kabataan — amo pa gid ang nangin paagi nga nabuking ang ginatago sang iya bana.
