Nagpagwa sang petition ang water watch advocates may angut sa pagbasura sang Joint Venture Agreement (JVA) sa tunga sa Bacolod City Water District (BACIWA) kag Primewater bangud sang ila ginapatihan palpak sini nga pagserbisyo sa mga konsumidor.
Suno sa convenor sang grupo nga si Wennie Sancho, ginpahayag sinj nga nakapoy na ang mga pumuluyo sang Bacolod City sa kapaltahan sang Baciwa-PrimeWater sa paghatag sang nagakaigo kag matinlo nga suplay sang tubig.
Suno kay Sancho, ang JVA nga ginpirmahan sang Baciwa kag PrimeWater ang wala nag-agi sa konsultasyon kag partisipasyon sang publiko.
Ang ini nga agreement ang sarang magtuga sang pagtaas sang bili sang tubig kag iban pa nga halit sa tawo.
Nagapati ang grupo nga ang mga pumuluyo sang Bacolod ang nagakinahanglan sang mas maayo nga serbisyo.
Pila sa mga ginahingyo sang grupo amo ang pagpatigayon sang public hearings kag consultations agud masiguro nga ang mga masunod nga agreements amo ang maga-prioritize sa pagkinahanglanon sang publiko.