Ginbawian sang kabuhi ang isa ka kargador matapos ginluthang samtang nagakatulog sa folding bed mga las-3 sang kaagahon, Mayo 31, 2025 sa dalan nga sakop sang Mercedes-Amelia, Libertad Public Market, Bacolod City.
Ginkilala ang biktima kay alyas Alog kag residente sang banwa sang Murcia apang sa Libertad Public Market na nagatiner kag nagatrabaho kargador.
Sa interview sang DYHB sa lugar, isa ka lalaki ang nagpalapit sa biktima kag ginluthang ini sang duha ka beses.
Gilayon naman nga nagsulod sa merkado ang suspek kag nagpalagyo. Sa karon, padayon nga gina-imbestigaran sang kapulisan ang pagpangluthang.