Liwat na nga ginpahanugutan sang Regional Task Force Kanlaon ang pagsulod sa 6-kilometer extended danger zone sang Bulkan Kanlaon sumugod subong nga adlaw, Mayo 31. Ini ang sandig sa Memorandum No. 19 series of 2025 sang Regional Task Force Kanlaon kahapon Mayo 30, 2025. Suno sa Memo nga base Kanlaon Volcano Bulletin sang PHIVOLCS kahapon, Mayo 30 yara lang sa 12 ka mga volcanic earthquakes ang narekord kag weak emissions padulong sa northwest nga direksyon. Bangud sini, ginbatak na sang Task Force Kanlaon ang pagdumili nga magsulod sa 6-kilometer extended danger zone sang Bulkan humalin las-6:00 sa aga tubtob las-4:00 sa hapon agud matatap sang mga pumuluyo ang ila puluy-an, kasapatan kag pananom bisan pa nga sa evacuation center sila nagatiner. Madumduman nga una na gin-suspend sang Regional Task Force Kanlaon ang pagdumili sa pagsulod sa 6KM EDZ sang bulkan humalin Mayo 28 kasunod sang masaku nga pagtay-og sa palibot sang bulkan.
