Opisyal na nga gin-inagurahan ang regional office sang Department of Interior and Local Governmen (DILG) Negros Island Region sa Puer Sanctus Building, Doña Juliana Avenue, ciudad sang Bacolod, kahapon, Mayo 30, 2025.
Ini ang ginpangunahan sanday DILG Undersecretary for Local Government Marlo L. Iringan; officer-in-charge regional director Lailyn Ortiz, CESO V; kag OIC assistant regional director Teodora Sumagaysay, CESO V.
Nagtambong man sanday Negros Occidental OIC-Provincial Planning and Development coordinator Anna Marie Lucasan; Police Regional Office (PRO)-NIR director Brigadier General Arnold Thomas Ibay; Negros Occidental Police Provincial Office director Colonel Rainerio de Chavez kag Bacolod City Police Office director Colonel Joeresty Coronica.
Ang nasambit nga talatapan ang magaserbe bilang bag-o nga opisina sang DILG agud magdul-ong sang efficient kag responsive local governance sa bug-os nga mga probinsya sang Negros Occidental, Negros Oriental, kag Siquijor.