Ang mga imahe nga makita sa peso bill ang nagasimbolo sa tradisyon, kultura kag manggad sang Pilipinas pero naga-wonder ka bala kun ang ini nga mga litrato matuod kag aktwal gid man nga hitabo ukon ubra-ubra lang? Gin re-create sang anay bata kag suldado nga makita sa P500 bill ang litrato nga kuha sang 1986. Makita sa daan nga P500 bill ang jsa ka bata nga nagaduhol sang bulak sa isa ka militar sang 1986 Edsa People Power revolution. Ang bata ang ginkilala nga kay Angelo Gutierrez kag 30 anyos na ini karon. Siya ang nagatrabaho na bilang nurse sa California USA. Suno kay Angelo, kaupod niya ang iya ginikanan sa sulod sang salakayan sang natabo ang Edsa People Power revolution apang naipit ang mga ini sa crowd bangud sang kadamuon sang mga tawo nga nagtambong. Diri nagdesisyon nalang ang ila pamilya nga mag-upod sa pagtililipon ugaling lang nakabuya ini sa kamot sang iya iloy kag nadula. Didto iya nakita ang suldado kag ginduhulan niya ini sang bulak. Sang una wala ini naka intyende kun ano ang iya ginhimo apang sang naga-edad na siya, iya nahangpan ang impact sang iya ginhimo. Matapos ang apat ka dekada, liwat nga nagkitaay si Angelo kag ang suldado sa litrato nga si 2nd Lt. Mario Abanes, 65-anyos kag karon nagapuyo sa Zamboanga. Sa pahayag naman ni Abanes, sang iya nakita ang bata nga Angelo, naga-atubang ini kag nagangirit sa iya kag naghambal “Bulaklak po.” Karon, gin-recreate sang duha ang ini nga hitabo sa diin nagsugot man si Abanes nga liwat suksukon ang iya uniporme.
