Gina-alegar ginhimuslan ang 25-anyos nga babayi sang tatlo ka lalaki sa isa ka barangay sa ciudad sang Bacolod, Sabado, Mayo 31.
Ang biktima ang bag-o lamang nakatapos sa kolehiyo.
Base sa eksklusibo nga pahayag ni alias “Toto”, isa sa mga nagbulig sa biktima, kapin las-11:30 sang gab-i sang amo nga adlaw, iya nakita ang biktima nga nagapangluya nga halos indi makahambal, samtang nagasuksok sang short kag tshirt, ginakaptan ang tsinelas kag bag, kag may higot ang isa ka tiil gamit ang bra.
Santo sa nakuha nga impormasyon sang DYHB, las-10 sang aga nagbiya ang biktima sa ila nga puluy-an; kapin las-7 sang gab-i, gina-alegar pwersa nga ginkuha ang biktima sa downtown area, gintayaan sang armas-luthang kag kutsilyo kag ginpasakay sa pula nga pribado nga salakyan.
Pasado las-11 sang gab-i, pila sa mga saksi nagsiling nga ginbilin ang biktima sang van sa kilid sang dalan.
Hungod nga wala ginhingadlan ang biktima kag lugar kun sa diin natabo ang insidente bangod ini ang sensitibo nga kaso.