Liwat nga magapatawag sang bidding ang Provincial Government sang Negros Occidental para sa Bulk Water Supply Project sini.
Ginpahayag ni Governor Bong Lacson nga ang bulk water supply project ang isa sa mga mangin prayoridad sang iya administrasyon sa ulihi sini nga termino.
Ginpabutyag sini nga nagapabilin ang ila kumpiyansa sa proyekto apang nangin tuman kamahal para sa mga water districts sang water rates nga ginproponer sang lone bidder nga yara sa P24 kada cubic meter.
Sa sini, ginalantaw sang Provincial Government nga pataasan ang share ukon equity sang probinsiya gikan sa P200 million kag hingyuon ang bidders nga panubuan ang water rates.
Nahibaluan nga ang P1.2 billion nga balor sang bulk water supply project ang nagahandum nga maka-prodyuser sang dugang nga 40 million liters per day (MLD) nga tubig.
Ginpabutyag dugang ni Governor Lacson nga nagapabilin nga concern ang water security kag dapat ini nga matungdan.
Magluwas sa bulk water supply project, nalakip man sa mangin prayoridad sang Lacson administration ang pag-improbar sang mga pasilidad sang Mambukal Resort.