Pilason ang duha ka tawo tuga sang pagpangluthang nga nagluntad pasado las-10 sang aga, Hunyo 1, sa Purok Lubi, Barangay 3 sa ciudad sang Bacolod.
Ang tuyo nga gintiro ang ginkilala nga si alias “Charles”, 29-anyos; samtang ang biktima sang stray bullet ang ginkilala nga si alias “Elezabeth”, 53-anyos, nga pareho residente sa amo nga lugar.
Base sa pahayag ni Police Station 2 Station Commander Police Major Eugene Tolentino, sa inisyal nga imbestigasyon sang kapulisan, nag-istoryahanay pa ang biktima kag ang suspetsado antes ang pagpangluthang.
Nakaagom sang pilas sa kilid ang biktima nga si Charles, samtang daplis naman sang bala ang naagom ni Elezabeth.
Nakabati sang apat ka lupok ang pumuluyo sa lugar apang tatlo lamang ka basiyo sang bala ang narekober sa crime scene.
Sa karun, under observation ang status ni Charles sa ospital angot sa iya nga medical bulletin.
Suno kay Tolentino, possible personal ang nangin motibo sa krimen.