Nagapati si Governor Eugenio Jose Lacson nga may nagakaigo nga pundo ang mga sugar planters agud mapapas ang mga red-striped soft scale insects (RSSI) nga nagapangatake sa mga katubuhan sa Negros Occidental.
Ginpahayag sang gobernador nga wala sang may ginapili ang peste, small farmer man ukon big planter, sarang maapektuhan sini kag kabahin na sang tuigan nga expenses ukon kagastuhanan sang mga nagatanom sang tubo ang pagtapna sa mga peste.
Sa bahin sang Provincial Government, ginpabutyag ni Governor Lacson nga ginpa-identify na sini ang mga local government units nga may gin-report nga apektado sang RSSI kag gin-alerto na ang natungdan nga agriculture office.
Apang iya ginklaro nga wala sa posisyon ang Capitolio nga maghatag sang nagakaigo nga treatment agud mapapas ang nasambit nga peste.
“The province is in no position to provide the needed treatment”, suno kay Lacson.