Nagbalik sa DYHB Sentro Serbisyo si Rey Ann Jimenez sang Barangay 4, Bacolod City kaupod ang iya utod nga si Richelle Macario nga ila una ginpangayuan bulig agud makapauli sa Bacolod halin sa Bicol.
Suno kay Rey Ann luyag nila magpasalamat sa Sentro Serbisyo bangud nga natigayon nga makakitaay sila liwat nga mag-ulutod matapos ang 20 ka tuig.
Suno kay Rey Ann, sang 1994, sang gindala sa girls’ home si Richelle matapos nga indi na ini masarangan pa buhion sang iya amay bangud bag-o lang nagtaliwan ang ila iloy sadto nga panahon.
Sang una, mabisita pa nila ini apang sang ulihi may nag-adoptar kay Richelle kag nagdala sa iya sa Bicol.
Didto na siya nangabuhi kag ini ang nagbunga sang duha ka anak, isa ka babayi nga 12 anyos kag isa ka lalaki nga walo ka tuig nga may special needs.
Natinguhaan na nila nga mag-utod nga magawaran ticket sa eroplano si Richelle kag ila duha ka mga hinablos halin Manila pakadto Bacolod ang problema lang amo ang inug plete halin sa Bicol pakadto Manila.
Sa bulig sang Sentro Serbisyo, nakapangita kita sang pamaagi agud masolusyunan na ang problema sang mag iloy.
Karon, magapauli na sa La Castellana si Richelle kaupon ang isa nila ka utod agud mapa-enroll didto ang duha ka mga kabataan kag makapadayon sa pag-eskwela.
Suno kay Richelle, wala gid sila nagsala sa ila ginpangayu-an bulig.
Ang ila karon handum amo ang mapabakasyon diri sa Bacolod ang ila duha pa ka mga utod agud maka-picture sila nga pito ka mag-ulutod nga kumpleto.