Magaumpisa ang pagbaligya sang Bacolod City Government sang tag ₱20 kada kilo nga bugas sa mga residente sa ciudad sini nga Huwebes, Hunyo 5.
Suno kay Bacolod City Mayor Albee Benitez, magapadulong si Department of Agriculture Secretary Kiko Laurel sa ciudad agud nga pagatambungan ang pag-launch sang igabaligya nga bugas.
Igahamtang naman ang pagbaligya sang bugas sa pila ka mga barangay, merkado, kag sa Bacolod City Government Center.
Ginpahayag sang alkalade nga igaanunsyo ang tanan nga detalye sa pagsulundan nahanungod sa bugas sa mga masunod nga inadlaw.
Kun madumduman, masobra 5,000 ka bags sang bugas ang pagabaklon sang city government sa National Food Authority (NFA) nga nagabalor ₱7.7M.
Sa karon, may pakigsapol pa sa tunga sang city government kag NFA sa pagbaligya sang bugas kag iban pa para sa klaro nga detalye.
[Photo from GMA News]