BACOLOD CITY- Nakuhaan sang P680, 000 nga balor sang ginapatihan shabu ang 24-anyos nga lalaki sa ginpatigayon nga drug buy bust operation sang Bacolod City Drug Enforcement Unit sa Purok Kabuhi, Barangay 10, pasado la-una sang kaagahon, Hunyo 2.
Ang suspek ang ginkilala nga si alias “Tata”, kag residente sa amo nga lugar.
Base sa rekord sang CDEU, narekober sa suspek ang ginabulubanta 100 grams nga kabug-aton sang ginapatihan shabu.
Ginkabig nga High Value Individual si alias Tata, kag ini ang natalana nga magapangatubang sang kaso nga paglapas sa Republic Act 9165 ukon Comprehensive Dangerous Drugs Act of 2002.