Naglawig sang kapin 29 ka minutos ang pagbuga sang abo sang Bulkan Kanlaon kahapon nga adlaw base sa monitoring sang Philippine Institute of Volcanology and Seismology (PHIVOLCS).
Sa pareho nga monitoring sang PHIVOLCS, may yara sa 38 ka volcanic earthquakes ang bulkan lakip na ang isa ka volcanic tremors nga naglawig sang 29 ka minutos.
Naglab-ot naman sa 1,460 ka tonelada sang sulfur dioxide ang ginbuga sang bulkan.
Samtang, 1,200 ka metros ang kataason sang madamol nga aso halin sa baba sang bulkan padulong sa west-southwest kag west nga direksyon.
Nagpabilin sagihapon sa alert level 3 ang Mt. Kanlaon.
Nagapadayon naman ang paghubag sang lawas sang bulkan sa ini nga mga tinion.
Sa karon, padayon nga ginadumilian ang pagpalupad sang ano man nga sahi sang aircraft malapit sa baba sang bulkan.
Ginaabisuhan ang tanan nga may posibilidad sa gihapon sang gulpi nga paglupok sang bulkan, pag-ilig sang lava, pag-ulam sang abo, Pyroclastic Density Current (PDC), rockfall kag pagbaha sang lahar kun may mabaskog nga pag-ulan.