PROVINCIAL CAPITOL – Nagluntad ang ash fall sa tatlo ka mga kabaranggayan sa Bago City kasunod sang ash emission sang Bulkan Kanlaon kahapon, Hunyo 2.
Ginpahayag ni Office of the Civil Defense Negros Island Region Director Donato Sermeno III nga na-record ang ashfall sa Binubuhan, Mailum kag Ilijan.
Ginklaro naman ni Sermeno nga manipis lamang ang abo nga nagtupa sa nasambit nga mga barangay.
Samtang, ginpaalinton ni Director Sermeno nga sa pihak nga liwat na nga gintugutan ang pagsulod sa 6-kilometer Extended Danger Zone sang Kanlaon, padayon nga nagaaligmat bangud sang masaku nga pagtay-og sa palibot sang bulkan nga nagdangat sa 38 volcanic quakes.
Nagalibot naman ang Regional Incident Management Team sa sulod sang EDZ agud mag-tsekyar sa mga nagaguwa kag nagasulod sa danger zone.
[Screenshot of the ash emission, June 2]