BINALBAGAN- Nautas ang kabuhi sang duha ka mag-utod matapos makuryente sa isa ka baligyaan nga nahamtang sa Barangay San Pedro, banwa sang Binalbagan, pasado la-una sang hapon, Lunes, Hunyo 2.
Ang mga biktima ang ginkilala nga sanday Dexter Grijaldo, 45-anyos; kag Roilan Grijaldo, 48-anyos, nga pareho residente sang Brgy. Sto. Rosario sa amo nga banwa.
Base sa rekord sang Binalbagan Municipal Police Station, samtang nagakay-o sang linya sang kuryente si Dexter sa isa ka kala-an, aksidente sini nakaptan ang poste sang canopy nga may open wire, rason nga ini ang nakuryente kag natumba.
Gilayon nga ginbuligan ni Roilan ang iya nga manghod, apang ini ang nakuryente.
Ginhingagaw dala sa Binalbagan Infirmary Clinic ang mag-utod apang sila ang gindeklarar nga dead on arrival.