Nagbalik agud magpasalamat sa DYHB Sentro Serbisyo si Marissa Epacta matapos nga na-release na ang cheque nga balor P19,000 halin sa insurance company sang iya nagtaliwan nga bana nga amo ang iya ginhulat sang malawig nga tinion.
Madumduman nga tinalikdan nga bulan sang Mayo, ginpadulungan sang DYHB ang opisina sang insurance company kag aton man naistorya ang isa sa nga manila-based staff l sa diin ila kita ginpasalig nga ila na gina proseso ang claims.
Karon, tuman ang pagpasalamat ni Marissa sa programa bangud matapos ang tatlo sini nga tuig nga paghulat, natigayon na sini nga makuha ang kinamatarong nga insurance claims sang iya nga bana.