Magatambong si Department of Agriculture (DA) Secretary Francisco P. Tiu Laurel Jr. sa patigayunon nga launching kag roll out sang tag P20 per kilo nga bugas sa Bacolod City bwas nga adlaw, June 5,2025.
Sa nasambit nga event, may patigayunon man nga “taste test” sang bag-o galing nga bugas nga amo ang pagapangunahan sa gihapon ni Tiu Laurel.
Sa madumduman, subong nga adlaw, Hunyo 4 magapang-deliver na ang National Food Authority (NFA) sang kapin 700 ka mga sako sang bugas.
Una na ginpahayag sang Cooperative and Livelihood Development Office (CCLDO) nga gikan sa accredited nga arusera sang NFA sa Valladolid ang mga bugas nga igadul-ong kag bag-ong galing ang mga ini.
Sa pihak nga bahin, las-9:30 bwas sang aga, iga-launch ang tag P20 nga bugas sa mga mayor nga merkado sa ciudad.
Maga-dialogue man si Sec Tiu Laurel sa mga beneficiaries sa amo nga adlaw.