Napilian bilang bag-o nga presidente sang South Korea si liberal opposition candidate Lee Jae Myung sa ginpatigayon nga snap election. Ginpatigayon ang snap election matapos nga anom ka bulan nga pagdeklarar ni anay President Yoon Suk Yeol sang martial law. Nakuha ni President-elect Lee ang abanse nga kapin 3 million nga boto batok sa kasumpong sini nga si Kim Moon Soo nga yara sa idalom sang People Power Party. Gilayon naman nga nag-concede si Kim, matapos nga nalutos sa eleksyon. Ginabulubanta yara sa 80 porsyento sang 44.39 million sa mga eligible voters ang nagboto sa amo nga eleksyon, kun sa diin ang ginkabig nga may pinakadamo nga turnout sang mga boto nga narekord sa South Korea sumugod sang tuig 1997. Luyag ni President-elect Lee nga liwat nga mag-isa ang mga pumuluyo sang South Korea kag nagpasalig nga igabalik ang pagpasanyog sang ekonomiya.
