Nakumpiskar sang mga katapo sang City Drug Enforcement Unit (CDEU) ang masobra P200,000 nga balor sang suspected shabu sa ginpatigayon nga buy-bust operation sa Fiesta Homes Subd, Brgy. Sum-ag, Bacolod City, alas-3:31 kaina sang hapon, Hunyo 4, 2025.
Arestado sa nasambit nga operasyon ang tatlo ka mga indibidwal nga sanday John Mark Lacarta , 30-anyos, residente sang Prk Paghidaet, Brgy Taloc, Bago City; Rexon Ugdamin, 34-anyos kag Mark Aguirre, 42-anyos nga pareha nga residente sang Barangay Sum-ag.
Base sa report sang CDEU, nakumpiskar sa tatlo ka persona nga ginakabig Street Level Individual (SLI) ang kapin 35 grams sang suspected shabu kag may standard drug price nga P238,000 kag iban pa nga mga non-drug items.
Nahunong sa karon ang tatlo ka mga suspetsado sa kustodiya sang kapulisan para sa nagakaigo nga disposisyon.
[Photo from CDEU]