BACOLOD CITY- Nagpasiguro ang Negros Power nga indi ini magduha-duha nga magpasaka sang kaso batok sa mga indibidwal nga akto nga madakpan nga nagapangawat sang kuryente ukon nagamanipyular sa kontador.
Ginpahayag ni Leo Arimas, manager sang Negros Power- System Loss Reduction Program, magapadayon ang saturation inspection nga ginapatuman sang amo nga electricity provider agod matapna ang pagpangawat sang kuryente.
Ang pagpangawat sang kuryente ang indi manami sa operation sang Negros Power, suno kay Arimas, rason nga ila gina-engganyo nga untaton na ang amo nga aktibidad bangod indi ini sila magduha-duha nga magpasaka sang kaso nga paglapas sa Republic Act No. 7832 ukon “Anti- Electricity and Electric Transmission Lines/ Materipals Pilferage Act of 1994.
Base sa rekord sang Negros Power, nadakpan kaina sang aga ang isa ka senior citizen nga gina-alegar nagapang-manipyular sang kontador ka kuryente sa Purok Paraiso, sa isa ka subdivision sa Brgy. Estefania sa ciudad sang Bacolod.
Samtang sang Abril 2025, isa man ka lalaki ang nadakpan nga gina-alegar nagapangawat sang kuryente sa Purok Makawiwili, Barangay Banago.