PROVINCIAL CAPITOL – Makabig na nga African Swine Fever ukon ASF-free ang isa ka lugar nga gin-upgrade bilang Pink Zone apang kinahanglan gihapon ang monitoring agud masiguro nga wala na sang virus nga nagadala sang balatian sa mga baboy.
Ginpahayag ni Dr. Yasmin Tan, officer-in-charge sang Research and Laboratory Services Division sang Provincial Veterinary Office, nga base sa classification sang Department of Agriculture, ang Pink Zone ang ginakabig na nga ASF-free apang kinahanglan ang pagpatigayon sang sentineling.
Ang sentineling amo ang pagbutang sang paon nga baboy nga paga-obserbahan sang kapin isa ka bulan.
Kun indi ini magbalatian sang ASF, nagakasayuran nga wala na sang virus.
Padayon ang pag-obserbar sa mga baboy tubtob nga ma-upgrade sa Yellow tubtob mangin Dark Green amo ang pagdeklarar nga hilway na ang lugar sa ASF.
Nahibaluan nga may 11 ka mga ASF Pink Zones sa Negros Occidental nga ginalakipan sang Kabankalan City, Hinigaran, La Castellana, Pulupandan, San Carlos City, San Enrique, Silay City, Victorias City, Valladolid samtang ang pinakaulihi nga nagdugang ang Bacolod City kag Escalante City.