PROVINCIAL CAPITOL – Malapit na lamang mag-operate ang clustered sanitary landfill sa Sitio Hiniwaan, Barangay Manghanoy, banwa sang La Castellana.
Ginpahayag ni Provincial Environment Management Office (PEMO) Head Atty. Julie Ann Bedrio nga nagpaguwa na sang executive order si Governor Bong Lacson para sa pagtukod sang technical working group.
Ang TWG ang magabulig sa pagdihon sang memorandum of agreement sa tunga sang mga LGUs nga magagamit sang amo nga sanitary landfill.
Ini nga mga LGUs ang ginalakipan sang Pulupandan, Valladolid, San Enrique, Pontevedra, Hinigaran, Binalbagan, Moises Padilla, Isabela kag La Castellana.
Ang Provincial Government ang naghatag sang P30 million samtang may counterpart man ang La Castellana LGU para sa pagtukod sang sanitary landfill bilang pagtuman sa Republic Act 9003 ukon Ecological Solid Waste Management Act of 2000.