Posible nga maglab-ot sa apat ka bulan ang impeachment trial ni Vice President Sara Duterte, suno kay Former Iloilo Province Fifth District Representative Niel “Jun-jun” Tupas Jr. nga amo man ang nagpanguna sadto sa team sang mga prosecutors sa impeachment trial ni former Supreme Court Chief Justice Renato Corona sang 2012.
Pahayag ni Tupas nga isa sa mga magapa-delay sa trial amo ang pagpungko sang 20th Congress sini nga June 30.
Pamangkot ni Tupas, paano kun ipa-cross over ang trial sa 20th Congress pakadto 21st Congress kag 22nd Congress agud mangin mas mahapos ang proseso?
Pahayag niya nga ang impeachment sang isa ka high official ang dapat “immediate.”
Kun iduso sa sunod nga Congress, dapat ang Supreme Court na ang maga-resolve sini.
Bangud nga nasuguran na sang Senado, wala na sang choice ang 20th Congress kundi padayunon ang nasugdan sang 19th Congress
Isa sa mga posibilidad, suno kay Tupas, amo ang pagdisider sang 20th Congress nga i-dismiss ini “due to lack of jurisdiction.”
Sa iya pagtulok, may legal issue sa nasambit nga proseso.
Dugang pa sini nga ang impeachment trial ang indi matigayon kun wala sang suporta sang Malacañang.