Isa ka peke nga doktor nga naggamit sang peke nga dokumento agud maka-practice bilang psychiatrist sa UK National Healthcare System sa sulod sang duha ka dekada. Siya ang ginpreso kag ginmanduan nga bayaran ang iya nabuhat nga sala sa balor nga hundred thousand pounds. Si Zholia Alemi, ang natawo sa Iran, kaupod sang iya pamilya nag-emigrate pakadto sa Auckland, New Zealand, sa early 1990s. Didto, wala siya nakakuha sang Bachelor of Medicine kag Bachelor of Surgery nga kinahanglanon agud mangin kwalipikado nga doktor, pero wala siya nagpapugong sa iya nga handum. Sa tunga-tunga sang dekada nobenta (mid-90s), nagbalhin siya sa UK, kag nag take advantage sa isa ka legal nga loophole nga nagtugot sa mga doktor halin sa Commonwealth nga makapraktis bisan wala sang dugang nga eksaminasyon. Bangud sang kasagad sang mga doktor nga may degree halin sa iban nga pungsod kinahanglan magkuha sang (Professional and Linguistic Assessments Board) PLAB test, pero si Alemi nakalikaw sini paagi sa paggamit sang mga peke nga dokumento nga gin ubra sa UK. Matapos sini, nag-practice siya bilang psychiatrist sa nagkalain-lain nga bahin sang UK sa sulod sang 20 ka tuig. Wala sang dako nga pagtan-aw si Alemi sa kaayuhan sang iya mga pasyente. Ginaalegar ni Adrian Foster sang Crown Prosecution Service nga “ Gingamit niya ang peke nga medical qualifications halin sa New Zealand agud makasulod bilang psychiatrist sa NHS sulod sang 20 ka tuig.” Natapos ang kapalaran sang peke nga doktor sang 2018, sang natukiban siya nga may sala sa pagpeke sang testamento sang isa ka 84-anyos nga babayi agud makuha niya ang balay sini nga naga-balor sang £300,000. Ini nga kaso nagtuga sang mas madalom nga imbestigasyon sa iya mga peke kag kag pagpanginto nga nabuhat. Bangud sini, ginpreso siya sa sulod sang lima ka tuig matapos mapamatud-an nga may tatlo siya ka kaso sang pagpanginyl, kag sang nahibaluan pa ang mas madamo nga sala, nadugangan pa ang iya sentensya.
