Nautas ang kabuhi sang 11 ka tawo matapos ang nagluntad nga pagpangluthang sa isa ka eskwelahan sa Graz Austria. Pilason naman ang indi magnubo sa 30 ka tawo sa amo nga insidente. Gilayon nga gin-utas sang 21-anyos nga suspek ang kaugalingon nga kabuhi sa sulod sang CR, matapos ginbuhat ang krimen. Wala pa sa karun natumod kun ano ang motibo sa pagpangluthang apang nahibaluan nga ang suspek ang anay estudyante sa amo nga eskwelahan. Nagdeklarar sang 3-day national mourning sa bilog nga Austria kag magapatuman sang nationwide minute of silence para sa mga biktima. Ginkabig sang austrian government nga ang amo nga insidente ang pinakasubo nga natabo sa pungsod.
