Natalana nga iga-saulog sang ciudad sang Bacolod ang iya sini ika-87th nga Charter Day Anniversary sumugod sa June 12 tubtob June 19, 2025.
Ang ini nga kahiwatan ang gina-recognize sa idalom sang City Ordinance No. 616 series of 2012 sa diin naga-upod ang ciudad sa selebrasyon sa nangin kahilwayan sang pungsod halin sa kamot sang español.
Kasubong man ang paghatag sang importansya sa manggaranon nga kinaadman, art kag kultura sang ciudad sang Bacolod.
Subong nga adlaw, June 12, ginsaulog ang Independence Day sa Bacolod City Public Plaza, sini nga June 18 naman ang 87th Charter Day Celebration sa Bacolod City Government Center kag sa palaabuton naman nga June 19 igaselebrar ang kaadlawan sang aton National Hero nga si Dr. Jose Rizal nga patigayunon naman sa Rizal Elementary School.