Wala na-ratify sa pag-adjourn sang 19th Congress ang P200 daily minimum wage increase nga una na nakalusot sa Kamara de Representantes. Nahibaluan nga kagab-i, nag-adjourn na ang 19th Congress kag wala na sang tsansa nga makalab-ot pa sa Malacanang ang hagna para kuntani sa pirma ni President Ferdinand Marcos Jr.’s agod mangin isa ini ka layi. Madumduman nga sang nagligad nga semana, nakalusot sa Kamara ang House Bill No. 11376 nga nagatuyo pasakaan sang P200 ang adlawan nga sweldo sang mga trabahador sa pribado nga sektor. Ang Senado ang may yara man sang version sang hagna sa diin P100 naman ang ila ginduso nga minimum wage increase nga wala man na-ratify.
