PROVINCIAL CAPITOL – Ginhingyo ni Governor Bong Lacson si Environment Secretary Raphael Lotilla nga magpatunga na ang Department of Environment and Natural Resources sa environmental concerns nga dala sang pagpahamtang sang palm plantation sa banwa sang Candoni.
Sa sulat nga napetsahan Hunyo 9, ginpalab-ot sang gobernador sa DENR ang padayon nga kapaslawan sang Hacienda Asia Plantations, Inc. (HAPI) sa pagkuha sang environmental compliance certificate (ECC) samtang padayon ang pag-establisar sang plantasyon sa lugar.
Ini ang nagatuga sang pagkabalakansa lokal nga komunidad, civil society organizations kag provincial government.
Ginpalab-ot man ni Lacson sa DENR ang online petition sang Negrosanon Initiatives on Climate in the Environment (NICE) nga nagapanawagan sa pagpauntat sang pagguba sang dunang-manggad nga dala sang pag-operate sang HAPI.
Nagalaum naman si Governor Lacson nga mahatagan sang DENR sang pagtamod ang iya sulat.