Kon sa pungsod Pilipinas, may ginatawag nga “Bayanihan,” nga masami makita sa paglukdohanay sang inogsaylo nga balay, sa pungsod China naman, indi tawo ang gabinuligay kundi Robot! Sa Huayanli complex sa Jing’an district Shangai, ang ginakabig bilang pinakadako nga relocation site sa China, nakakita sa pamaagi ang mga otoridad agud mas mapadasig ang pagpangbalhin-balhin sang mga tradional buildings. Gamit ang 432 ka mga magagmay nga walking robots, natigayon nila nga masaylo ang kabug-usan nga building complex sa isa ka lugar. Ini agud mahatagan sang ligwa ang pagaturokon nga tatlo ka panalgan nga underground structure sa nasambit nga area. Apisar nga mahinay maghulag ang mga nasambit nga robots bangud nga di-remote ini, hilway nila nga napangsaylo ang mga buildings sa kalayuon nga 10 ka metros kada adlaw.
