Nagpanugyan ang City Health Office (CHO) sa publiko nga indi mag-panic kasunod sang narekord nga una nga kaso sang Mpox sa ciudad sang Bacolod.
Suno kay Dr. Grace Tan, head sang sanitation division sang CHO, importante nga mahibaluan sang publiko ang basic facts angot sa pamalatian kag kon paano ini nagalapta.
Nagapanugyan man si Dr. Tan sa sin-o man nga nagapakita na sang mga sintomas sang mpox importante nga magpa-checkup kag mag-isolate. Sa nahibaluan nga ang mga sintomas sang mpox ang ginalakipan sang rashes, hilanat, sakit sang ulo, pagpalanakit sang muscles, back pain, low energy kag swollen lymph nodes.
Suno pa kay Dr. Tan, libre ang magpa-test kag sila ang maga-facilitate sang pagpadala sang specimen sa mga testing facility.
Una na nga gin-confirm sang CHO nga yara karon sa Corazon Locsin Montelibano Memorial Regional Hospital (CLMMRH) ang first mpox case sa Bacolod kag yara naman sa estable nga kondisyon.