Sulod sang pila ka mga tuig, si Rosalio Culit, isa ka ginapahayag nga manugbulong diri sa Pilipinas, ang nagapangbulong pinaagi sa pagpakagat sang pit viper nga man-og sa iya mga pasyente. Si Rosalio Culit, ang kilala man nga Datu Kamandag sa iya mga kaupod sa tribo nga Manobo sa Surigao del Norte, Mindanao, isa ka kontrobersyal nga manugbulong nga nagagamit sang venom sang viper bilang bulong sa nagkalain-lain nga balatian. Suno sa iya, nadiskubre lang niya nga may gahom nga magbulong ang venom sang viper sang aksidente niya nga natapakan ang isa sa iya mga alaga nga pit viper pila ka tuig ang nakaligad. Sa tion nga to, may mga ginbatyag man siya nga sakit, pero pila lang ka adlaw pagkatapos siya nakagat, nabatyagan niya nga nag-ayo siya, gani ginkabig niya nga ang kagat amo ang nag-ayo sa iya. Sugod sadto, gina-promote niya na ang benepisyo sang kamandag sang North Philippine temple pit viper (Tropidolaemus subannulatus), kag nakilala siya bilang isa ka “snake healer.”
