Natalana nga maga-compete ang 11 ka mga kabaranggayan sa Barangay Festival Dance Competition nga patigayunon alas-6:30 sang gab-i, Hunyo 17 sa Bacolod City Government Center.
Ini ang kabahin sa selebrasyon sang Charter Day sang ciudad nga ginaselebrar sa tagsa ka Hunyo 18 kada-tuig.
Nalakip sa mga magapakigbahin diri amo ang Barangay Sum-ag, Estefania, Villamonte, Alangilan, Alijis, Vista Alegre, Granada, Singcang Airport, Punta Taytay, Banag kag Barangay 35.
Nahibaluan nga base sa rules and guidelines sang kompetisyon, igapresentar sang tagsa ka mga barangay ang ila interpretasyoin may kaangtanan sang ila ginasaulog nga kapiestahan.
Sa nasambit nga kompetisyon, magabaton sang P30,000 ang 2nd runner up, P50,000 para sa 1st runner up, magabaton naman sang P80,000 ang kilalahon bilang kampeon samtang tig-P10,000 ang mga winners para sa special awards.