CADIZ CITY- Nautas ang kabuhi sang 52-anyos nga lalaki sa sunog nga nagluntad pasado las-2 sang kaagahon, Martes, Hunyo 17, sa Hacienda Natividad, Brgy. Caduhaan, Cadiz City.
Ang biktima ang ginkilala nga si alias “Allan”, soltero, manug-bantay sang right of way sang isa ka quarry, kag residente sa amo nga lugar.
Ginpahayag ni FO3 Rolly Quiatchon, Investigator on case sang Bureau of Fire Protection- Cadiz City, pasado las-7 na sang aga gin-report sa ila nga talatapan ang amo nga sunog, kag sa ila pag-imbestigar ila nasapwan ang bangkay sang biktima.
Gina-alegar natrap ang biktima sa iya puluy-an, kun sa diin nagaisahon lamang ini nga naga-istar.
Sa inisyal nga imbestigasyon, sa norte nga bahin sang balay nag sugod ang kalayo.
Nahibalaun, wala sang may nakabatyag nga residente sa lugat nga nasunog ang balay sang biktima bangod wala ini sang kaingod nga balay.
Nagdangat sa kapin ₱6,000 nga balor ang ginbilin nga kahalitan sang sunog.
Sa karun, padayon ang imbestigasyon sang BFP angot sa amo nga insidente.
BFP- CADIZ CITY