Natalana nga iga-saulog sang ciudad sang Bacolod ang iya sini ika-87th nga Charter Day Anniversary bwas nga adlaw, June 18,2025.
Sini nga hapon, isa ka thanksgiving mass ang ginpatigayon sa Bacolod City Government Center Lobby sa pagpanguna ni Rev. Fr. Eubert Javellana sa diin ang mga natipon nga offerings ang iga-turnover para sa nga inmates sang Handumanan District Jail.
Sa pihak nga bahin, pila sa mga balantayan nga event las-6:30 sini nga gab-i amo ang Barangay Festival Dance Competition sa diin magapakigbahin ang Barangays Sum-ag, Estefania, Villamonte, Alangilan, Alijis, Vista Alegre, Granada, Singcang-Airport, Pta. taytay, Banago kag Barangay 35.
Nahibaluan nga nakasaad sa Republic Act No. 11146 nga gindeklarar bilang “Special Non-Working Holiday” ang June 18 diri sa ciudad sang Bacolod kag Probinsya sang Negros Occidental bilang pag-obserba sa “Bacolod City Charter Day.”